Af hverju er sogæðakerfið svona mikilvægt?

Sogæðakerfið (lymphatic system) er hreinsikerfi líkamans og eitt mikilvægasta, og um leið eitt vanmetnasta kerfið okkar.

Það vinnur stöðugt í bakgrunninum að því að halda jafnvægi þó við finnum sjaldnast fyrir því. Því er stundum líkt við “sorphreinsikerfi”, því eitt að hlutverkunum er að hjálpa til við hreinsun úrgangsefna, sem er mjög mikilvægt fyrir heilsu og varnarkerfi líkamans.

Fjarlægir úrgang og umframvökva

Ólíkt blóðrásinni hefur sogæðakerfið enga dælu eins og hjartað. Það treystir á hreyfingu, öndun og örvun til að flytja vessa. Ef flæðið verður hægara getur myndast bólga, vökvasöfnun, þroti og bjúgur. Gott flæði getur hjálpað til við að losa bjúg og gefið jafnari húð.

Styður ónæmiskerfið

Sogæðakerfið er ekki bara hreinsikerfi heldur leikur það lykilhlutverk í varnar- og ónæmiskerfi líkamans. Sogæðavökvinn safnar bakteríum, veirum, eiturefnum, frumuleifum og úrgangi og flytur það til eitlana sem vinna eins og n.k. síur og eftirlitsstöðvar ónæmiskerfisins.

• minni viðbragðsgeta

• meiri bólgusvörun 

• aukin vökvasöfnun

  
  

Ónæmiskerfið þarf að kveikja og slökkva á bólgusvörun á réttum tíma og sogæðakerfið hjálpar til við að fjalægja bólguboðefni úr vefjum og styðja við jafnvægi eftir t.d álag eða sýkingu.

Þetta skiptir heilmiklu máli fyrir heilsu húðarinnar, hormónajafnvægi og svo almenna orku og vellíðan.

Það hefur áhrif á húðina

Þegar sogæðaflæði er gott:

• dregur það úr þrota

• dökkir baugar geta minnkað

• húð verður ferskari og jafnari

• ljómi („glow”) eykst

  
  

Hæg sogæðavirkni getur hins vegar aukið bólgur og vökvasöfnun í andliti.

Af hverju þarf stundum að styðja við kerfið?

Í daglegu nútíma lífi er margt sem getur haft truflandi áhrif á virkni sogæðakerfisins, s.s. mikil seta og hreyfingarleysi, streita dregur úr flæði,hormónabreytingar hafa áhrif á vökvajafnvægi og svefntruflanir ýta undir bólgur og hægja á kerfinu.

Þar sem sogæðakerfið er ekki með „sjálfvirka dælu“, getur mild örvun eins og létt burstun, djúpöndun og hreyfing hjálpað til við að styðja við náttúrulegt flæði.