Allar eigum við okkar sögu af breytingaskeiðinu, hvernig upplifunin var, hvenær einkennin gerðu vart við sig, hvaða einkenni við fundum mest fyrir, hvernig áhrif þetta hafði á líf okkar og hvernig við díluðum við þetta blessaða skeið...

​

Mig langar að heyra þína sögu, heyra hvernig þín upplifun var af breytingaskeiðinu, alvega sama hvar þú ert stödd í ferlinu...rétt að byrja, á kafi eða komin í gegn. 

Von mín er sú að með þessum sögum getum við komist að því hvernig konur á Íslandi eru að upplifa breytingaskeiðið, hvernig þeim finnst haldið utan um þessi mál og hvar við getum gert betur.

​

Hér eru nokkrir punktar sem er gott að leiða hugann að og segja frá ef það á við þig:

• Hvenær og hvernig vissirðu að þú værir komin á breytingaskeiðið

• Hvaða einkennum fannst þú fyrir, hvernig höfðu þau áhrif á líðan þína og líf þitt og fólks í kringum þig

• Var eitthvað sem kom þér á óvart varðandi t.d. einkenni, viðhorf þín og annarra, vitneskju þína um þetta skeið, aðgengi að upplýsingum, aðgengi að greiningu, aðgengi að meðhöndlun... 

• Hvaða leiðir hefurðu farið til að fá aðstoð og hvernig hefur það virkað fyrir þig

• Hefurðu leitað til læknis vegna einkenna, hvernig læknis og hvernig gekk það

• Er eitthvað sem þú hefðir viljað vita áður en þú fórst á breytingaskeiðið

• Hvernig sérðu framhaldið/framtíðina 

• Sérðu eitthvað jákvætt við breytingaskeiðið

​

Mig langar sérstaklega að vita hvernig breytingaskeiðið hefur haft áhrif á vinnuna þína

• Fannstu fyrir einhverjum áhrifum á vinnuna þína t.d.:

• Hræddari við að fara á eftir verkefnum/stöðuhækkunum/sækja um aðra vinnu ofl

• Mæting, geta sinnt vinnuskyldum annað hvort út af líkamlegum og/eða andlegum einkennum

• Fannstu fyrir skilningi/tillitssemi samstarfsfólks og/eða yfirmanna

• Ef JÁ - hvernig lýsti það sér

• Ef NEI - hvernig hefðirðu viljað hafa skilning/tillitssemi á vinnustaðnum

• Þurftir þú að minnka við þig vinnu, hætta eða skipta um vinnu til styttri eða lengri tíma

• Hvað heldur þú að gæti hjálpað konum með erfið einkenni að halda áfram að vinna meðan þær eru að komast í gegnum þetta tímabil

• Allt sem þér dettur í hug sem gæti hjálpað til við að skapa vinnuumhverfi sem tekur tillit til og hlúir að konum sem eru að fara í gegnum erfitt breytingaskeið

​

Lestu þetta áður en þú sendir inn söguna þína:

• Þú þarft ekki að gefa upp nafn og upplýsingar frekar en þú vilt, en mögulega myndi ég vera í sambandi við einhverjar konur til frekara samstarfs ef upp koma tækifæri til að nota söguna til að bæta viðhorf og líðan kvenna á breytingaskeiðinu

• Með því að senda inn söguna þína gefurði mér leyfi á að nota hana í frekari verkefni - sem yrði ALLTAF nafnlaust nema við semjum um annað