Síðastliðin 20 ár hef ég hjálpað fjölda fólks að vinna í hugarfarinu sínu og temja sér þar með betri vana sem leiða af sér betri lífsstíl og líðan.
Á sama tíma hef ég haldið fjölda fyrirlestra, námskeið og vinnustofur um hugarfar, hreyfingu, næringu og leiðtogahæfni, í yfir 10 löndum, allt frá litlum hópum yfir í þátttöku á stórum ráðstefnum með yfir 16.000 þátttakendur.

​

Dáleiðsla & Sálmeðferð á hug minn allan í dag, þar sem mér finnst það vera sú aðferð sem hefur hjálpað bæði mér og mínum viðskiptavinum hvað mest við að finna aftur jafnvægi, heilsu og vellíðan, bæði líkamlega og andlega. 
Hér geturðu lesið nánar um þessa meðferð

​

​Ég lærði Solution Focused Hypnotherapy & Psychotherapy hjá Clifton Practice í Bretlandi og útskrifaðist þaðan sumarið 2020. Námið er jafngildi eins árs á háskólastigi með möguleika á áframhaldandi námi í Advanced Hypnotherapy Diploma. 

​

Námið er klínískt sem þýðir að við þurfum að ljúka að minnsta kosti 200 stundum í vinnu og meðferð á fólki til þess að hljóta réttindi, þar að auki skilum við inn 8 rannsóknarverkefnum ásamt rúmlega 30.000 orða ritgerð í "theoríu" og kenningum í dáleiðslu og sálmeðferð.

​

Til þess að halda starfsréttindum þurfum við árlega að uppfylla ákveðinn fjölda af tímum í handleiðslu hjá vottuðum Supervisor, við þurfum líka að stunda áframhaldandi menntun með því að sækja ákveðinn fjölda námskeiða - CPD  (continous professional development). Þar að auki verðum við að hafa tryggingar ásamt því að vera félagsmenn í fagfélagi Solution Focused Hypnotherapy.

​

Ég er meðlimur í:

AfSFH - Association for Solution Focused Hypnotherapy

NCH - National Council for Hypnotherapy

​

Og með tryggingu frá Holistic Insurance UK