Hér ætla ég að safna saman ýmsu tengt breytingaskeiðinu sem mér finnst áhugavert og hefur hjálpað mér að skilja þetta annars flókna og skrítna tímabil sem allar konur ganga í gegnum einhverntíman á lífsleiðinni.

Þegar ég uppgvötaði að ég væri líklega komin á þennan stað kom það mér verulega á óvart hvað ég vissi lítið bæði um einkenni og hvað er hægt að gera til að láta sér líða betur. Síðan komst ég að því að ég er langt frá því að vera sú eina sem vissi lítið. 

Ég vona að þetta grúsk mitt hjálpi einhverjum konum sem finnst þær vera týndar og erfitt að finna upplýsingar um þetta tímabil. 

Ef þú lumar á einhverju sniðugu sem þú hefur komist að eða hjálpað þér, máttu endilega senda mér skilaboð

Hér er svo linkur á bloggfærslur sem tengjast breytingaskeiðinu

Á Instagram og Facebook koma inn reglulegri umfjallanir, vangaveltur og uppgvötanir frá mér varðandi breytingaskeiðið, vertu viss um að fylgja mér þar

  • Facebook
  • Instagram
17862439034693040.jpg

Ég er ekki læknir eða sérfræðingur í þessum málum, en hef eftir mikinn lestur, grúsk og grams náð mér í góðan skilning og þekkingu.

Allt sem hér er sett fram er til að vekja til umhugsunar og fræða, en ekki til að greina né koma í staðin fyrir læknisfræðilegt mat.

Smelltu á logoin til að fara á þessa miðla

Listi yfir einkenni breytingaskeiðsins

Sem geta verið mjög misjöfn, ansi mörg og lúmsk!

Min reynsla og þeirra kvenna sem ég hef rætt við er mikil vanþekking á þeim einkennum sem geta komið upp, ég (ásamt svo mörgum öðrum konum) hélt að maður væri ekki komin á breytingaskeiðið fyrr en maður væri farinn að þjást af hita- og svitaköstum...en það er svo langt því frá að allar konur á breytingaskeiðinu upplifi þessar hitasveiflur.

Og svo eru svo ótal mörg önnur einkenni sem ég hefði aldrei tengt við þetta skeið s.s. kvíði, depurð, liðverkir, mígreni, eyrnasuð og margt, margt fleira.

​Hér finnurðu lista yfir mörg einkennin, þessi listi er ekki tæmandi, því við erum jú allar að upplifa þetta á okkar hátt, ég hef oftast séð lista með rúmlega 30 einkennum en svo hef ég rekist á lista með yfir 100 atriðum... 

Auðvitað geta mörg af þessum einkennum tengst allt öðru en breytingaskeiðinu!

Það getur verið sniðugt að prenta þennan lista út og merkja við hvernig þér líður í gegnum mánuðinn, þá ertu komin með betri mynd á ástandið bæði fyrir þig og eins fyrir lækninn þinn.

Screenshot 2022-05-09 at 08.51.23.png

Smelltu á bréfaklemmuna hér til hliðar til að sækja lista yfir einkenni breytingaskeiðsins

Mikilvægar upplýsingar um Prógesterón!

Hér er grein sem ég skrifaði um mismunandi gæði lyfja þegar kemur að prógesteróni, hvað er gott að forðast og hvað er gott að biðja um ásamt linkum á sérfræðinga í þessum málum.

Mæli með að lesa þetta (og jafnvel prenta út) áður en þú hittir lækninn þinn.

IMG_0454.heic

Dr. Louise Newson er heimilislæknir í Bretlandi og sérfræðingur í breytingaskeiði kvenna. Hún er brautryðjandi og baráttukona í að auka fræðslu og þekkingu, ekki bara til kvenna heldur hefur hún staðið fyrir breytingum á fræðslu til lækna og heilbrigðisstarfsfólks.

Á vefsíðunni hennar, youtube rásinni og Instagram má finna mikið af góðum fróðleik og videoum varðandi allt sem tengist breytingaskeiðinu.

Mæli með appinu hennar Balance þar sem þú getur skráð og fylgst með öllum einkennum þínum í tengslum við breytingaskeiðið ásamt því að hafa auðveldan aðgang að fullt af fróðleik.

​Þú finnur það í app store og google play

Hér er vefsíðan hennar Balance-Menopause

þar er að finna upplýsingar bæði fyrir almenning og lækna

Screenshot 2021-05-26 at 17.56.05.png
IMG_8805.jpg

Hér er youtube rásin hennar

Á Instagram finnurðu hana undir menopause_doctor

Fyrir lækna og annað heilbrigðisstarfsfólk sem vinnur með konum á breytingaskeiðinu eða langar að bæta þekkingu sína og fylgjast með því nýjasta mæli ég með...

The Newson Health Menopause society

Ómælt magn af upplýsingum fyrir fagfólk varðandi allt það nýjasta í greiningu og meðferð á breytingaskeiðinu.

Þar er bæði í boði frítt efni ásamt ýtarlegra efni, umræðuþátttak ofl fyrir lítið árgjald

Screenshot 2022-05-10 at 16.03.32.png
Screenshot 2022-05-10 at 18.14.27.png

​Í samsarfi við FourteenFish.com bíður NHMS uppá ítarlega netþjálfun fyrir fagfólk sem kallast Confidence in the menopause FRÍTT! 

Hér er beinn linkur á skráningu